Yosh matematiklar maktabi

Respublika umumta’lim maktablari, akademik litseylar va kasb-hunar kollejlari o‘quvchilari va oliy ta’lim muassasalari talabalarining matematika faniga bo‘lgan qiziqishlarini oshirish, o‘quvchi va talabalar o‘rtasida turli xil ko‘rik tanlovlar, olimpiadalar, yozgi maktablar, seminarlar muntazam tashkil etish maqsadida O‘zMUda “Yosh matematiklar” maktabi tashkil etildi.

“Yosh matematiklar” maktabining asosiy vazifalari quyidagilardan iborat:

- Respublikadagi matematikaga qiziquvchi   o‘quvchi va talaba yoshlar bilan O‘zbekiston Milliy universiteti o‘rtasida doimiy muloqotni shakllantirish;

- umumta’lim maktablari, akademik litseylar va kasb-hunar kollejlari, oliy ta’lim muassasalari iqtidorli yoshlarini aniqlash, qo‘llab-quvvatlash, ularning matematikaga bo‘lgan qiziqishini oshirish;

- Respublika iqtidorli yoshlarining O‘zbekiston Milliy universitetida tahsil olishga  bo‘lgan qiziqishlarini oshirish orqali universitetga iqtidorli yoshlarni jalb qilish;

- “Yosh matematiklar” maktabi a’zolari uchun seminarlar, olimpiadalar va turli xil uchrashuvlar tashkil etish va  eng faollarini rag‘batlantirib borish;

- “Yosh matematiklar” maktabi a’zolarini respublika va xalqaro olimpiadalarga tayyorlash.

MASOFAVIY OLIMPIADA

O‘zbekiston Milliy universiteti qoshidagi “Yosh matematiklar” maktabida muntazam ravishda masofaviy olimpiada musobaqalari bo‘lib o‘tmoqda. Ushbu olimpiadalar umumta’lim maktablarining 6-9 sinf o‘quvchilari, akademik litsey va kasb-hunar kollej o‘quvchilari, oliy ta’lim muassasalari talabalari o‘rtasida tashkil qilingan.

Har oyda ikki marta topshiriqlar (olimpiada misol va masalalari) maktabning saytida e’lon qilib boriladi. Umumta’lim maktablarining 6-9 sinf o‘quvchilari, akademik litsey va kasb-hunar kollej o‘quvchilari, oliy ta’lim muassasalari talabalari uchun 5 tadan masalalar beriladi.  Maktab a’zolari topshiriqlar yechimlarini belgilangan muddat ichida, ko‘rsatilgan elektron pochta manziliga yuborishlari kerak. Masalalar yechimlari tekshirilib, natijalar maktabning saytida e’lon qilib boriladi. Yil davomida maktab a’zolari reytingi hosil qilib boriladi.

Eng faol ishtirokchilar uchun yil oxirida yozgi maktab-seminari tashkil etiladi va ular homiylarimiz tomonidan mukofotlanadilar.

Barcha matematikaga qiziquvchi o‘quvchi va talabalarni  mazkur masofaviy olimpiadada qatnashishga taklif etamiz. Olimpiada qatnashchilariga omad tilaymiz.

Yechimlar yoshmatematiklar@mail.ru elektron pochtasiga yuboriladi.

Litsey va kollejlar uchun

Oliy o'quv yurtlari uchun

Umumta'lim maktablar uchun